Nuuk And Sermitsiaq During Twilight. Photo Elia Locardi, Visit Greenland (2)

Nuuk

Nuup Mittarfianiit aallartitsinerit nutaat

Nunarsuatsinni ornigassat imaannaannginnerpaat ornillugit misissuataarnissaat takorloorpiuk? Nuummi nunani tamalaani mittarfiup ammarneqarnerani 28. novembari 2024 aallarnerfigalugu Københavnimiit Kalaallit Nunaanni illoqarfiit pingaarnersaannut akunniffeqarnak toqqaannartumik timmisartumut ilaasinnaalissaatit. Kisimiikkaluaruit, imaluunniit ikinngutitit ilaquttatilluunniit ilagigaluarukkit Kalaallit Nunaanni misigisassatit tassani aallartikkit.

Nuuk silami sammisaqarusuttunut misigisassatsialaavoq. Kangerlunni qajartoraluaruit imaaniluunniit ersarissuni aalisaraluarit Nuuk qanorluunniit ittunik sammisaqarfiusinnaavoq. Angallammut ilaallutit kangerluk alianaatsoq, ataqqinarpasissunik ilulialik, kusanaqisunik qaqqalik immaqalu arfilik isiginnaarsinnaavatit. Kangerluk sinerlugu pisuttuaruit isikkiviit alianaatsorsuit pinngortitamilu misigisassat puigunaatsut misigissavatit. Silaannarik misigisaqarnissamullu periarfissarpassuit misigikkit.

Nuummiit angalalerpit?

Nunarsuaq qanilleriataarpoq! Siunissami Nuummiit akunneqqaarnak nal. ak. sisamat tallimallu akornanni qaangiuppata Danmarkimut ilaquttannut ikinngutinnullu utaqqisunut apuutissaatit. Aallarfissat angalanissannik ajornannginnerulersitsisut assigiinngimmata, ajornannginnerusumik nunarsuup sinneranut ingerlaqqissinnaavutittaaq!

Maanna inniminniigit 2.375 DKK-niit

Angalanerit ataatsimut aaqqissuussat misigisassallu

Pinngortitarsuaq angalaffigerusukkukku, iluatallutit eqqissisimaarusukkuit imaluunniit Issittumi pinngortitap aalaakkaasup misiginissaa takorluugarigukku, piumasatit piviusunngortissinnaavagut. Air Greenland Group Air Greenlandimit, Arctic Hotel-mit, World of Greenlandimit, Arctic Excursions-mit taavalu Greenland Travel-mit neqeroorutigineqarpoq, misigisassanik puiuikkiussassanik misigititsisarlutik.

Thumbnail (1)

Arctic Excursion

Misigisassat tulleq uani nassaarisinnaavat! Arctic Excution nunatsinni takornarissanik angalatsitsisartunut attaveqaataasutut atorpoq, nunatsinni takornariaqarnermut sullitaqartunut takornarissanullu iluaqutaassalluni. Takornarissanik angalatitsisartut nioqqutigisai nittartagatsinni takukkit, immikkuullarittumillu misigisassarsiorlutit.

Uani atuaruk
North Photo Aningaaq Rosing Carlsen Visit Greenland 345

Greenland Travel

Greenland travel neqeroorutigaa tupinnarluinnartumik, toqqissisimasumillu feeriarnissamut angalatitsinerit. Angalatitsivik kalallit nunaata takornarialerineranut saarlersaalluni siuarsaaqataavoq, aamma kalaallit nunaani suliffeqarfik angallasinermut tunngasoq annersaraat.

Uani atuaruk

Nuummi misigisassat

Nuuk illoqarfiuvoq allanngorartuartoq Kalaallit Nunaannili illoqarfiit pingaarnersaattut ineriartorfiulluni ullutsinnut malinnaajuartuusoq, illoqarfiulli sumiiffinni assigiinngitsuni suli qangatut isikkuni pigaa. Takornariatut Nuup tikinnissaanut peqqutissat arlaqaqaat, soorlu ullut ilaanni kaffillertunukarneq, ullorlu alla Godthåb Bryghus-imi immiorfeeqqamut takornariarneq.

 

Nuup qeqqanut ungasinngitsumi nerisassanik nutaarluinnarnik pisisoqarsinnaavoq.

Katuaq, kulturip illorsua, saqqaa arsarnerit ingerlaarnerattut ilusiligaq, saneqqullugu ingerlaguit café-t arlaannut iserlutit nillertumik najooqqaagit imaluunniit café latte-torit. Kalaallit nunaanni Universiteti Ilisimatusarfik aamma Pinngortitaleriffik alakkakkit, taakkumi nunap ilusaa malillugu illulioriaatsimik kusanarluinnartumik sanaajupput.

 

Nuup illoqarfittut ineriuartupiloortup saniatigut Nuummi ileqqutoqqat kulturikkullu kingornussat misigineqarsinnaapput. Illulioriaatsit alulortartut ilaannut takussutissanut ilaavoq Nuummi domkirke Annaassisitta Oqaluffia. Oqaluffik anginngitsoq, qisummik sanaaq aappaluttumillu qalipaatilik, kusanaqaluni Nuup nutaanngitsortaani Hans Egedep eqqaassutissaata ungasinngitsuaniippoq.

 

Nuummingaanniit Kalaallit Nunaanni illoqarfinnut allanut timmisartumik ingerlagit

Ullut tamaasa nunat tamalaat mittarfissuanniit  Kangerlussuaq -miittimiit Nuummut timmisartuussisarpugut.

 

Kalaallit Nunaanni illoqarfinni annerpaatut Nuummiit nunap sinneranut attaveqarluarpoq. Nuummut akunnikkuit ornikkumaneqarnerpaat ilaannut, soorlu Ilulissat, Maniitsoq aamma Narsarsuaq ingerlaqqeriaannaavutit. Nunatsinnullu tikeraarlaanut Nuummi misigisassarpassuaqaraluartoq, inoqarfinnut minnernut, nunap kulturianut immikkut misigisaqarfiusartumut, aamma tikeraarnissaq innersuunnarpoq.

 

Nuummi illoqarfiup qeqqani pisuinnaq takusassarsiorluni angalaarneq pisinnaalluarpoq. Illoqarfimmi aqqusernit katillugit 100 km-nik takissuseqarput, aammali busernissaq taxarnissarluunniit periarfissaapput. Illoqarfeeqqat qaninnerit angallammik orninneqartarput. Ukiukkullu sisoraatinik ujakkaarfiit qullilersukkat aamma periarfissaapput.

Eqqissisimaarfissaqqissoq

Timimut tarnimullu eqqissinarluinnartumik sineriak malillugu angallammik angalaarit. Nuup ilaanut Qaqortumut illut qalipaatigissut inissisimalluarut isiginnaarujuukkit. Aamma Nuummi kangerlummi nunaqarfikunut angalaarnissaq innersuunnaqaaq.

 

Nuup kangerluani angalaarnermi arferujussuit qipoqqaat tikaagulliillu qanimut siumugassaasarput, Nuummiit angallammik arfernik takornariarneq misigisassaavoq nuannersoq. Nuummi kangerluup ilorpiaanut sermimut iigartartumut ulloq naallugu takornariarnissaq innersuunnaqaaq. Tassanimi sikut akornisigut sermip iigartartup tungaanut aqqutissarsiorluni ingerlaarnermi pinngortitarsuup qanoq nuannertigalunilu angissusia misiginartarpoq.

 

Nuummi sisorarneq, snowboarderneq aammalu golferneq

Ukiukkut upernaamilu sisoraatinut aqqutitigut suliarilluakkatigut ujakkaarneq aamma sangusaarneq kiisalu snowboarderneq snescooterernerluunniit periarfissaapput. Kalaallit Nunaanni illoqarfiit pingaarnersaanni qaqqat portunersaannit kangerlunnut tungujuaartunut isikkivissua naliitsuuvoq. Nuummi sisoraatinik ujakkaarnissamut periarfissaqarluarpoq, aamma Kalaallit Nunaanni sangusaartartunut majuartaat takinerpaaq 1000 meterinik takissusilik tassaniippoq.

 

Golfernissaq takorloortarpiuk, immaqalu golfertarfik allani siumugassaanngitsoq misilikkusuppiuk? Taava aasaanerani Nuuk Golfklubimi golfertarfik, isikkivimmigut allanut nallersuussinnaanngitsoq, 9-nik putulik golferfigissagaluarpat.

 

Nuup assinga

Nuummi unnuiffissat

Nunatta illoqarfiisa pingaarnerpaa unnuiffissat amerlapput. Uani ilai katersorsimavagut.

Microsoftteams Image (5)

Hotel Hans Egede

Akunnittarfik ininik tallimanik quleriiusoq illoqarfiup qeqqaniippoq, illoqarfimmi pisiniarfinnut takornariagassanullu toqqaannartumik orniguffiusinnaasoq, aammalu kangerlummut qaqqanullu isikkivilik.

Uani atuaruk
Aurora Lav

Hotel Aurora

Hotel Aurora akunnittarfiuvoq nutaaq, Nuummi suliffissuaqarfitoqqap ilaaniittoq. Akunnittarfik illoqarfimmut, pisiniarfinnut neriniartarfinnullu qanittumiippoq.

Uani atuaruk
Nopath Copy (29)

Visit Greenland

Innat misigisaqartinniarlusi utaqqivaasi. Maani angisuunik mikisunillu qaqqaqarpoq, innartornissamut atortussinnut naleqqulluinnartunik.

Uani atuaruk
Hotel Soma Lav

Hotel SØMA Nuuk

Nuummi Hotel Sømandshjemmet ilaqutariinnut akunnittarfiuvoq, 43-nik assigiinngitsunik sisamanik ilusilinnik ineqartoq.

Uani atuaruk
Kulukis Lav

Kulukis Downtown Hostel

Kulukis unnuisarfiuvoq, Nuup qeqqani inissisimasoq nuannersunik initalik. Illoqarfiit pingaarnersaanni pinngortitaq kulturilu nuannisarfigikkit.

Uani atuaruk
Unnamed

Unnuiffissat tamarmik uani takukkit

Nuummi unnuiffissat tamarmik takukkit. Ilinnut tulluartumik nassaarsinnaanissat qularnanngilaq!

Uani atuaruk

ILISIMAVIUK?

Nuummi biilinut 4000-nut aqqusernit asfaltikkat katillugit 100 km-upput.

2012-mi juulimi Kalaallit Nunaat illoqarfiup qeqqani niuertarfeqarfissuartaarpoq. Taanna Nuummiittoq qulinik qulereeqarpoq, quleriit marluk niuertafeqarfiusut, sinneri allaffeqarfiupput naqqanilu biilinut inissiisarfeqartoq Kalaallit Nunaanni sanaartukkanit annerpaavoq.

Arferup mattaa c-vitaminik aammalu orsup akuinik omega n-3-nik ulikkaartoq peqqinnartuusoq. Mattak nunatsinni nerisassiornermut akuulluinnartoq Nuummi nerisassianik nioqquteqarfinni arlalinni misilinneqarsinnaavoq

Kalaallit Nunaanni sisorarnermi majuartaat 1000 meterit miss. takissusilik Nuummiippoq. Sisorarnermik nuannarisaqaruit Nuummi sangusaarutinik sisorarnissaq periarfissaalluarpoq.

Isersimavugut silamiippugulluunniit? Naluttarfimmi Malimmi igalaarujussualimmi kangerlummut qaqqanullu isikkivilerlutit nalorujoorit. Naluttarfik ukioq kaajallallugu ammasarpoq.

Kalaallit Nunaanni ernup nukinganik innaallagissiorfiit annersaat Nuummiippoq. Nuna tamakkerlugu nukissiorfiit taamaattut tallimaapput, Ilulissani, Nuummi, Tasiilami, Qaqortumi, Narsami aammalu Sisimiuni. Tassa Kalaallit Nunaanni innaallagiaqarnerup 70%-ia nukissiorfinniit CO2-mik mingutsitsiviunngitsunit pivoq.

PAASISSUTISSAT NUUMMUT TUNNGASUT

Nuuk Kalaallit Nunaanni illoqarfinni pingaarnersaavoq

Nuuk qanga Godthåb-imik ateqarpoq

Nuuk 19.000-t missaannik innuttaqarpoq

Nuuk marlunnik nunaqarfeqarpoq

Nuuk 1728-mi ajoqersuiartortitamit Hans Egede-mit qallunaanit norskinillu kingoqqisumit tunngaviligaavoq

Nuuk kangerloqarferujussuup paavani noorujussuarmi inissisimavoq

The Four Enjoying The Nightsky From The Top Of The Thoughsand Stairs. Photo By Aningaaq Rosing Carlsen

Nuummi misigisassat

Tamaasa
pinngortitaq
timersorneq
kulturi
uumasut
Qassiarsuk & Eriksfjord. Photo Aningaaq R. Carlsen, Visit Greenland

Itsarnisarsiorneq

Avannarpasissumiit kujasissumiit tikiupput –oqaluttuarisaaneq ukiut 4500 matuma siorna pisimasunik aallaavilik kulturikkut, oqaluttuatigut piviusuutitatigut, upperisatoqqatigut inutsigullu ersiuteqarpoq.
Climbing At Tasiilaq Fjord. Photo Chris B. Lee, Visit Greenland (1)

Qaqqasiorneq

Qaqqat misigisassarpassuallit qaniniagassaqqissuupput. Tamaani qaqqasiornissassinnut naapertuuttunik portusuunik pukkitsunillu qaqqaqarpoq.
AWG 2016 RAW 2423

Events

Kalaallit Nunaat immikkut ittunik misigisaqarnissamut sapiissusilinnik kajungilersitsijuartuuvoq. Misigisassat ukiut tamaasa pisartut, nunami pinngortitaq kulturilu- innutaasut peqatigilluinnarlugit neqeroorutaasarput.
Cutting Mattak With An Ulu. Photo Lola A. Åkerström, Visit Greenland (1)

Kusanartumik nerisassioriaaseq

Nunarsuarmi neriniartarfiit kusanartunik nerisassiortartut pitsaanersaasa ilaat Kalaallit Nunaanniipput. Nerisassallu umerneqarsinnaasut, nunap nammineq pissarititaanik suliaasut takuneqarsinnaavoq.
Visiting A Home In Tasiilaq In East Greenland

Kalaallit naapisimaakkit

Kalaallit inoroorsaarumatuut angerlarsimaffimminnut tikilluaqquaasi. Kaffillerneq nuannersunillu oqaluttuarneq akiugassaanngitsut atorluarsigik.
Tail Fin Of Humpback Next To Iceberg. Photo Julie Skotte, Visit Greenland (1)

Arfersiorneq

Kalaallit Nunaata imartaa arfernik ulikkaarpoq. Miluumasut taama angitigisut qanillivillugit isiginnaarlugit tupinnangaarmat oqaasissaaleqinarsinnaasarpoq.
Group Of Kayakers On Tour Neat Sisimiut. Photo Aningaaq R. Carlsen, Visit Greenland

Qajartorneq

Kalaallit Nunaanni qajartorneq, qajamik nutaaliamik atuinermik misilittagalinnut, immami iluliarasaartumi nipaatsumilu angalaarnermik nuannarisalinnut tulluartuuvoq.
Fly Fishing For Arctic Char With The Guide From South Greenland Fly Fishing (1)

Aliikkutaralugu aalisarneq

Aalisarneq, qarsorsat, neqitaasat kaavittut aalisakkallu suugaluarnersut soqutigisaraagit? Kalaallit Nunaanni piffinni assigiinngitsuni aliikkutaralugu aalisarneq ukioq kaajallallugu nuannisaatigineqartarpoq. Immikkut ittumik aalisarnermik misigerusukkuit Kalaallit Nunaanni aliikkutaralugu aalisarneq misilitassaqqippoq!

Small Time Giants In A Quarry In Nuuk In Greenland

Nipilersorneq

Kalaallit siullerpaamik qilaatersorneranniit nipit uummammeersut pinngorput. Ullumikkut nipilersortartut tamatuminnga ingerlatitseqqittuupput.

A Hiker Looking Towards Tasiilaq Island In East Greenland

Pisulluni ingerlaarneq

Nunaqarfinniit illoqarfinniillu nunap timaani tatsit qaqqat imarlu tikikkuminartuupput. Kalaallit Nunaanni pisummik angalaassaguit, nunap assinga sumiissusersiullu puigussanngilatit, imaluunniit misilittagalimmik angallassisoqarit.
IMG 6323

Arsarnerit

Upperisatoqqat oqaluttuallu piviusuutitat ersarissumik oqaluutarput; arsarnerit ersituunut naatsorsuussaanngillat. Arsarnerit nunarsuup avannaatungaani siumugassaanerusartut pinngortitami silaannaap pilersitarai. Takullugimmi tupinnangaarmata inuunermi puigugassaanngillat. Nunarsuup avannaatungaani piffinni arlalinni arsarnerit siumugassaasarput, taakkunanngalu pinngortitami kusanangaartumi takuniffissani Kalaallit Nunaat siuttuuvoq.

Looking At Carving Art, Nuuk. Photo Rebecca Gustafsson , Visit Greenland (1)

Katersugaasiviit eqqumiitsuliallu

Qalipakkat, ujaqqat saarngillu. Kalaallit Nunaanni katersugaasiviit nunap kulturikkut kingornussaanik nutaalianik atortoqarluni takutitsiviupput.
Kattie From Hotel Narsaq Telling A Guest About A Tupilak Bone Carving From Narsaq In South Greenland

Pisiniarfilerineq

Ullutsinni ilusilersuillammaat nutaaliortuupput Kalaallit Nunaannillu oqaluttuaqqittuullutik. Takukkit, attukkit malugikkillu.
A Passenger Boat Near The Eqi Glacier In Greenland

Umiartorneq

Angallammut ikineq, niuneq, nunaliarneq, ikeqqinnerlu! Pinngortitami kusanangaartumi umiarsuarmik angalaarneq, tupigusunnermik annertuumik nassataqartartoq, misiginngitsoorniaqinagu.

A Snowmobiler Flying High Over A Group Of Friends In The Sisimiut Backckountry In Greenland

Qamuteralaat

Oqariartaaseq - aassi benzinamik akoqarpa? Taamaappat qamatueralannik angallattaateqarit. Tigummiviit motoorimut sukkatsisaatitallit tigoriarlugit nunap timaanut nutaanik misigisassarsioritsi.
A Snowboarder In Nuuk Practicing For The Arctic Winter Games In Greenland

Sisoraatit snowboard-ilu

Ujakkaarfissat piareersariikkat, qaqqat innaat qutaarluit, ammut kigaatsumik sisoornerit qummullu ilungersunartorsiornerit. Naatsumik oqaatigalugu kikkunnut tamanut nunami matumani sisorarluni timersornermut ilisarititsineq.

Tikiffissat allat

Nunarput tupinnartunik, kusanartunik alutornartunillu ulikkaarpoq. Tikiffissat tullia uani nassaariguk.

Tamaasa
nuuk paamiullu
avannaa
kujataa
tunu
qeqertarsuup tunua
destination arctic circle
danmark
island
canada
Sunset Time. Photo Matthew Littlewood, Visit Greenland

Nuuk

Illoqarfissuaq, illorsuit, ilorrisimaarnartoq, kulturi, rocki, neriniartarfiit nerisassanik mamarsakkanik sassaalliisartut, kaffisorniartarfiit, atisanik nutaalianik pisiniarfilik, eqqumiitsuliat, nuna tamakkerlugu katersugaasivik Ilisimatusarfillu.
City Of Icebergs, Ilulissat. Aningaaq Rosing Carlsen Visit Greenland

Ilulissat

Sermip iigartarfiata eqqaaniilluni iluliarsuit ataqqinarpasillutik sarsuasut isiginnaarlugit inuuneq pitsaanerpaaffissaminut qaffakaattutut ilisarpoq. Ilulissat kangerluat tupinnanngitsumik Unescop nunarsuatsinni eriagisassatut kingornussat nalunaarsuiffiannut ilanngunneqarnera tunngavissaqarluarpoq.
View Of Sisimiut In Summer. Photo Aningaaq Rosing Carlsen Visit Greenland

Sisimiut

Sisimiut illoqarfimmut nutaaliaasumut assersuutissaavoq, eqqaa inunnit silaannarissumiikkusuttunit timikkullu imminnut unammillerusuttunit ornigarneqarluartoq.
A Tenderboat From MS Fram Going Past A Fisherman At Work In Upernavik In Greenland

Aapilattoq (Upernavik)

Aappilattoq Kalaallit Nunaata kitaani nunaqarfiuvoq, Upernavimmik pigineqartoq.
Colourful Houses At Frozen Fjord, Aasiaat. Photo Filip Gielda, Visit Greenland

Aasiaat

Qeqertarpassualimmut feriarnissaq pileritsaassinnaaviuk? Taamaappat Aasiaat Qeqertarsuup Tunuani kujasissumi inissisimasoq tamatumunnga piukkunnarluartuuvoq
Lyngvigfyr ©Ringkøbingskjernmuseum 0024 3 1200Px

Billund
Village Ikerasak. Photo Ella Grødem, Visit Greenland (1)

Ikerasak

Ikerasak qeqertami Uummannap kujataatungaani nunaqarfiuvoq. Inissisimanera aalisarnissamut piniarnissamullu periarfissanik ulikkaarpoq, ukioq naallugu pisassaallutik puisit, qalerallit, qeeqqat, tuttut umimmaallu
Local Drying Cod. Photo Aningaaq Rosing Carlsen Visit Greenland (1)

Isortoq

Isortoq Tunumi Tasiilamit 100 km-it missaannik kippasinnerusumiippoq Ammassallillu nunaqarfiinit minnersaallunilu kujasinnersaavoq. Sermersuarmik qarsutsisunut Isortoq immikkooruteqarluinnartuuvoq.
Ittoqqortoormiit Church And Buildings In The Snow

Ittoqqortormiit

Illoqqortoormiut illoqarfiat timmisartumiit alakkaruk, illullu qisunnik sanaat kusanartut ersarissunik aappalaartunik tungujortunillu qalipaatillit siammarsimasut takukkit. Illoqarfik nunalu allanngutsaaliugaq ataatsimoortut, ileqqutoqqat, kulturi pinngortitarlu nalissaqanngitsut.
Kangerlussuaq Church At Snowy Road. Photo Filip Gielda, Visit Greenland (1)

Kangerlussuaq

Kangerlussuaq mittarfiinnaanani allarpassuarnik periarfissaqarpoq. Timmisartumit niugussi pinngortitaq saassinniippoq. Tassani sermersuup iigartarfissua ajornannginnerusumik qanillattorsinnaavarsi.
Humpback Whale In Midnight Sun. Photo Julie Skotte, Visit Greenland

Kangersuatsiaq

Kangersuatsiaq Upernaviup kujataani inissisimavoq ungasissuseqarluni miss. 56 kilometerinik nunaqarfippassuanilu qaninnersaalluni Upernavimmut. Ilisimaneqaatigivaa kusanassutsini paarilluakkallu illut.
Kullorsuaq. Photo Glenn Mattsing, Visit Greenland (1)

Kullorsuaq

Kullorsuaq pilersinneqarpoq 1928-mi atserneqarlunilu qaqqaq nunaqarfiup eqqaaniittoq malillugu, kullorujussuangasoq. Piniarneq aalisarnerlu inuutissarsiutit pingaarnersaraat pingaartumi puisit, qilalukkat qernertat qaqortarlu pisarineqartartut.
Ice In Kulusuk Harbour In East Greenland

Kulusuk

Kulusuk Ammassallip eqqaanni nunaqarfeerannguaq Tunumut isaariaavoq. Qeqertaaqqami innuttaasut taakku aalisartuusut piniartuusullu takornarissanik sungiussilluarsimasuupput inussiarnersuullutillu.
A Dog Sled Driver Looking Back On A Dog Sled Ride Near Sisimiut In Greenland

Kuummiut

Kuummiut tunumi Kalaallit Nunaanni kusanarnerpaat ilaanni nunami inissisimavoq. Nunaqarfinni tunumiittuni kisiartaalluni aalisakkeriveqarpoq, peqqutaaqataasunut peqqutaapput, ukiakkut talittarfik sikuneq ajormat.
Billede1

København

København, Qallunaat Nunaanni illoqarfiit pingaarnersaat, kulturi, inuit biilerpassuillu. Mittarfimmiit nunap qaagut iluatigulluunniit qimutsuitsorlutit illoqarfiup tillernera malugiuk.
Maniitsoq Harbour View, Aningaaq Rosing Carlsen Visit Greenland

Maniitsoq

Maniitsoq pinngortitamik sisorarnermillu nuannarisalinnut alianaalluinnartuuvoq. Illoqarfik qeqertamiittoq qeqertanullu allanut siammarsimasoq ikaartarfeqartitserpoq.
Nanortalik Museum Aerial. Photo Peter Lindstrom , Visit Greenland (1)

Nanortalik

Ilungersunartorsiorfiusumi eqqissisimasinnaavit? Nanortalik siooragisaqaratik qaqqasiortartunut, qajartortartunut nunakkullu pisuttuartartunut ornigannaajuvoq, immaqalu nannumik naapitsiffiusinnaalluni.
Narsaq Harbour. Photo Aningaaq R. Carlsen, Visit Greenland

Narsaq

Qaqqarsuup ataani ippoq illoqarfik Narsaq, ukiorpassuunngitsut matuma siorna tunngaviligaq narsaarsuarmilu qorsooqqissumiimmat, Kujataani angalanissami aallaavigissallugu iluartoq.
Stream In Narsarsuaq, Photo By Andy Crichton Visit Greenland

Narsarsuaq

Mittarfimmiit km-it qulaaluaannaat ingerlagaanni sermersuaq tikittariaqarpoq. Iigartartumut qannguluttumut pisuttuarit imal. Erik Aappalaartup naasorissaasup illuliaani takisuumi qallunaatsiat qanillikkit.
Hooded Seal Lying On Ice Floe. Photo Aqqa R. Asvid, Visit Greenland

Niaqornat

Niaqornat Nuussuup sineriaani avannamut inissisimavoq, Uummannap kangerluata naanerani Diskobugtimut. Inuttaasut inuuniuteqarput piniarnermik aalisarnermillu assigiinngitsorpassuarnik.
Hunters Boats In Kangaamiut Settlement. Photo By Aningaaq Rosing Carlsen (1)

Nuussuaq (Upernavik)

Nuussuaq avannaata kitaani inissisimavoq qeqertaasami Nuussuarmik atilimmi 200 kilometerit missaani Upernaviup avannaaniilluni.
Paamiut Town. Photo Aningaaq R. Carlsen, Visit Greenland

Paamiut

Illoqarfik Paamiut Nuup kujataaniippoq, Kalaallit Nunaanni illoqarfiit ikittuinnaat sissamit sioralimmiit sermersuarmut isikkiveqarmata, aasami onissallugu kajungernartuuvoq.
Brown Sled Dog. Photo Aningaaq R. Carlsen, Visit Greenland

Pituffik (Thule)

Pituffik (Pituffik Space Base) amerikkarmiut sakkutooqarfigaat, tassaniinneq akunninnerlu immikkorluinnaq ittunik maleruagassartaqarpoq.
Qaanaaq City Photo Aningaaq Rosing Carlsen Visit Greenland

Qaanaaq

Qaanaaq Kalaallit Nunaanni illoqarfiit avannarlersaraat. Immap tungaanut sivinganermiilluni Kalaallit Nunaanni illoqarfinnut allanut assingunngilaq. Aqquserngit narlusuut akornini illut tulleriiaarlutik inissisimapput.
Qaarsut Settlement. Photo Aningaaq R Carlsen Visit Greenland (1)

Qaarsut

Nunaqarfimmut piviusumut takornariaritsi imal. Qaarsunit aallaaveqartumik Uummannami misigisassarsioritsi avannarparternerullusiluunniit angalagitsi. Oqaluttuarisaaneq inuillu kulturiat soqutigigussigik Qilakitsoq takornariarsiuk.
Qaqortoq Football Field With Sunset. Photo Peter Lindstrom , Visit Greenland

Qaqortoq

Kujataani illoqarfiit pingaarnersaat, inuusuttut ilinniarfiat, taaguummik ”Kalaallit Nunaanni illoqarfiit alutornartut alianaannerpaallu ilaannik” ilisarnaatilik.
Reykjavik 1

Reykjavik

Qeqertaq innermik anitsiviusartoq kissartunik puilasulik, tissaluttulik, sermimik iigartartulik qorlortorsualillu. Illoqarfik Reykjavik ulloq unnuarlu pisoqarfiusaqaaq.
Village Saattut Near Uummannaq. Photo Ella Grødem, Visit Greenland (1)

Saattut

Saattut nunaqarfeeraavoq, 26 kilometerinit avannarpasissuseqarluni Uummannamiit.
Saqqaq In The Disko Bay In Greenland (1)

Saqqaq

Saqqap seqernup saqqaagaaniinneq ateqaatigaa, taamalu atserneqarsimanera piaarinaatsoornerinnaanngilaq, Kitaanimi nunaqarfinnguaq taanna Qeqertarsuup Tunuani Ilulissanit 100 km-it missaannik avannarpasinnerulluni qeqertaasap Nuussuup kujataa tungaaniippoq.
On The Sled. Photo Kim Insuk, Visit Greenland

Savissivik

Qimusseriarsuup avannarpasissuani sinerissami nunaqarfik inissisimavoq ateqartoq Savissivik qeqertamiilluni, ungaluneqarsimasutullusooq sermersuarmit illuni, imarpissuarmut sammilluni.
An Aerial View Of Sermiligaaq Seen From An Air Zafari Flight (1)

Sermiligaaq

Nunaqarfik Sermiligaaq kusanaqisumiippoq qeqertaasami Kalaallit Nunaata tunuani 100 kilometerini avannaaniilluni Tasiilap. 200 sinnulaarlugit inoqarpoq isumalluutaavoq piniarneq aalisarnerlu.
Peaceful Siorapaluk In Sunny Afternoon In Summer Time. Photo By Kim Insuk Visit Greenland

Siorapaluk

Sioarapaluk avannarpasinnersaavoq ’ilumoortoq’ nunaqarfik Kalaallit Nunaanni – Nunarsuarmimi tamani, amerlasuut isumaat malillugu. Taamaallaammi mittarfeqarfiit sakkutooqarfiillu inoqartut avannarpasinnerupput.
House Lights Illuminating Tasiilaq. Photo Nikolaus Brinkmann , Visit Greenland

Tasiilaq

Tasiilaq Kong Oscar Fjord-ip sinaani qaqqap innaani qaqqarsuarnit qutaarluusunit qaavi aputaajuitsunit unguneqarsimalluni inissisimavoq. Taanaannarluunniit pissutigalugu illoqarfik takornariagassaqqissuuvoq.
A Tenderboat From MS Fram Going Past A Fisherman At Work In Upernavik In Greenland

Tasiusaq (Upernavik)

Nunaqarfik avannaaniittoq kujataaniittup aapparaa ateeralugu, Tasiusaq, Upernavimmiit avannamut 71 kilometerinik ungasitsigisumiilluni Qaasuitsup Kommuneaniilluni.
Kayaking In East Greenland

Tiniteqilaaq

Tiniteqilaaq Ammassalik qeqertaasa tallimaasut ilagaat nunaqarfik. Nunaqarfik Ikasativaq-kangerluata illuatungaaniippoq Sermiliup tungaanut, tunumi sermersuaqarfiusumut.
Houses On The Hillside In Upernavik In Greenland (1)

Upernavik

Upernaviup eqqaata untritilinnik qeqertaqarnera feeriarnermi qajartornissamut naleqqulluinnartuuvoq. Tamanna anorimut oqquuvoq, qatsunngarittarluni pinngortitarlu nalissaqanngilluinnartuulluni. Nunaqarfiit aqqusaartorlugit qajartorsinnaavusi. Juuli-miit aggustimut innuttaasut tikilluaqqusisaqaat. Juuni qaammat aatsaat siku aakkiartulersarpoq.
Local Drying Cod. Photo Aningaaq Rosing Carlsen Visit Greenland (1)

Upernavik Kujalleq

Upernavik Kujalleq, siusinnerusukkut danskisut ateqartinneqarsimavoq ’Søndre Upernavik’, kujasinnerpaajusoq Upernaviup qeqertarpaani.
Heart Shaped Mountain, Uummannaq. Photo Trevor Traynor, Visit Greenland

Uummannaq

Isit isigisut tarnerlu misigisanik ulikkaartoq apeqqutaallutik Uummannaq Kalaallit Nunaanni sumiiffiit pinnernersaattut inuit ilaannit nalilerneqartarpoq. Illoqarfimmut qaqqarsuup uummatitut ilusillip killinganiittumut tikilluaqqusivugut.
Istock 1428771071 1200 765

Iqaluit

Illoqarfik Iqaluit tikillugu immikkuullarillunilu tiguartinnarpoq, tikittullu inuit kulturiannik kingornussassianillu paasisaqarnissamut periarfissaqarluarput. Pinngortitap avatangiisaasup, qaqqat peqqarniippasissut, sermit qeriuaannartut aammalu iluliarsuit illoqarfiup ungataaniittut illoqarfiup immikkut tusaamaneqaatigai.

Ottawa (2)

Ottawa

Ottawa illoqarfiit tikitassat immikkuullarissut asseqanngitsullu ilaagaat, tassani siumugassaapput attaveqaasersuutit nutaaliat, illut ilaatigut qanganisarpalaartunik illulioriaatsimik oqaluttuarisaanermillu ersersitsisut alutornartullu, pinngortitamik kusanarluinnartumik avatangiisilik kulturinillu assigiinngitsorpassuarnit katersuuffik. Illoqarfiup pisoqarfiujuartup neqeroorutai tikillugit misigisassarsiorfigikkit!
Sled Dogs On Sea Ice, Uummannaq. Photo Aningaaq R Carlsen Visit Greenland

Qeqertarsuaq

Qeqertarsuaq qeqertaavoq, Diskobugtimi inissisimasoq. Qeqertaq pinngortitamut pisuttuarnermullu nuannarisalinnut tulluartuuvoq.

A Striped And Colourful House In Upernavik In Greenland

Qasigiannguit

Qasigiannguit diskobugtimi inissisimavoq, Ilulissat Aasiaallu akornani. Illoqarfiup inissisimanera pisulluni ingerlaartartunut nuannarisalinnut tuulluuppoq.

Vestbyen Station 1

Aalborg

Aalborg Jyllandip avannaani illoqarfiit pingaarnersaattut angisuunik mikisunillu asseqanngilluinnartunik misigisassaqarpoq. Illoqarfissuaaqqami katersugaasivinnut, illunut oqaluttuarisaanermut pingaarutilinnut illunullu titartaasartut torrallassimasaannut pulaarsinnaavutit. Aalborgimiit biilerlutit Danmarkip avannarpasissortaa ornissinnaavat.
Kuujjuaq (2)

Kuujjuaq

Kuujjuaq issittup qeqqani erlinnartuutaavoq, pinngortitap tiguaasinnaaneranik kulturikkullu pisuussutsimik kattussiviusoq, aammalu angalanermi misigisassanik puigunaatsunik pilersitsiviusoq. Canadap avannaani nuna kusanartoq ornigassaannaanngilaq, aammali tikinneqarsimanngisaannartumut, piviusumut alutornartumullu angallaviuvoq.
Montreal 2 (2)

Montreal

Montreal illoqarfiuvoq uummaarissoq, pinngorartitsivik alutornartorlu. Aqqusernit oqaluttuassartanik, illut ilusilersuinikkut erlinnartuutinik aamma silaannaq asseqanngitsumik kulturerpalaartunik ulikkaarput. Montreal ornigassaannaanngilaq; misigisassarpassuaqarpoq, misissorneqarnissaminnik utaqqiinnartunik.
Tikiffissat allat takukkit
Aviser Og Magasiner Benefitcard

Angalaninni SULUK atuagassiallu assigiinngitsut akeqanngitsumik atuakkit

Atuaruk
Group 1441

Ikissutissaq app-ikkut pissarsiariuk

Group 1442

Makitassanik katersigit eqquillutillu

Club Timmisami ilaasortanngorit